हिंद केसरी न्यूज

(मुंबई, संदीप गंगासागरे) अंधेरी पूर्व एमआयडीसी तील शेकडो ताबाधारकांना घुसखोर ठरविल्याचा गंभीर प्रकार पुढे आला आहे. तसेच चारशेच्यावर सदनिकाधारक अद्यापही घरांपासून वंचित आहेत, त्यांना सदनिकांचा ताबा मिळाला नाही तर येत्या काही दिवसांमध्ये रिपब्लिकन पार्टी ऑफ इंडिया संविधान पक्षाचे अध्यक्ष संदेश आंबेडकर यांच्या नेतृत्वात उग्र आंदोलन करणार असल्याचा ईशारा पक्षाचे राष्ट्रीय मुख्य सचिव डाॅ. राजन माकणीकर यांनी मुख्यमंत्री एकनाथ शिंदे यांना निवेदना द्वारे दिला आहे. अंधेरी पूर्व एमआयडीसीतील ताबाधारकांना विकासकानेच ताबा पत्र दिलेली आहेत. चावी सह करारनामाही देण्यात आले शिवाय इमारतीच्या बाहेर बाउंसर बसवले असतांना, त्यांना घुसखोर कसे काय म्हणता येईल? असा सवाल पॅन्थर डाॅ. राजन माकणीकर यांनी उपस्थित केला आहे.  २३९ ताबाधारक आहेत. सर्व सोपस्कार पार पडल्यानंतरच त्यांना सदनिकांचा ताबा देण्यात आला असताना एमआयडीसी कार्यालयातून त्यांनाच घुसखोर ठरविण्यामागे काय हेतू असावा ? असाही सवाल उपस्थित करण्यात आला आहे. एसआरए योजनेतील अद्यापही चारशे सदनिकाधारक हे मालकी घरापासून वंचित आहेत.  याच एसआरए...

भोकर - दि. ९ ऑगस्ट " जागतिक आदिवासी दिन" निमित्त नांदेड जिल्हा परिषदच्या मुख्य कार्यकारी अधिकारी मीनल करनवाल यांच्या संकल्पनेतून व जिल्हा आरोग्य अधिकारी डॉ बालाजी शिंदे यांच्या मार्गदर्शनाखाली प्राथमिक आरोग्य केंद्र भोसी ता.भोकर येथे आयुर्वेदिक वनस्पती उद्यान (आयुष उद्यान) चे उद्घाटन करण्यात आले. आयुर्वेदिक वनस्पती कोरफड, हिरडा, आवळा, जांभूळ, दगडी , शेवगा, तुळस ईत्यादी औषधी वनस्पतीची वृक्ष लागवड करण्यात आली. भोकर तालुक्यातील चार प्राथमिक आरोग्य केंद्र भोसी, किनी, मोघाळी, मातूळ अंतर्गत १७ उपकेंद्रात १०३० आयुर्वेदिक औषधी वनस्पती वृक्ष लागवड करण्यात आली आहे व आजुन जवळपास १००० आयुर्वेदिक औषधी वृक्ष लागवड करण्यात येणार आहे अशी माहिती भोकर तालुका आरोग्य अधिकारी डॉ दीपक कदम यांनी दिली आहे. याप्रसंगी तालुका आरोग्य अधिकारी भोकर डॉ दीपक कदम, प्राथमिक आरोग्य केंद्र भोसी केंद्राचे वैद्यकीय अधिकारी डॉ जीवन राठोड, डॉ सुर्यवंशी, डॉ कौठेकर, आरोग्य सहाय्यक एम.ऐ. सय्यद, प्रयोगशाळा वैज्ञानिक अधिकारी कैलास लंकलवाड, औषध निर्माण अधिकारी श्री जोशी आदी कर्मचारी उपस्थित होते.

भोकर येथील कै.दिगंबरराव बिंदू महाविद्यालय येथे आज दिनांक 8.8.2023 रोजी तहसील कार्यालय भोकर व राष्ट्रीय सेवा योजना विभागाच्या वतीने  छायाचित्रासह मतदार यादीचा विशेष संक्षिप्त पुनरीक्षण कार्यक्रम अंतर्गत "मतदार जनजागृती अभियान"आयोजित करण्यात आले होते. मा.राज्य निवडणूक आयोगाच्या निर्देशानुसार चार अर्हता दिनांकावर आधारित छायाचित्रासह मतदार यादीचा विशेष संक्षिप्त पुनरीक्षण कार्यक्रम, घरोघरी मतदान केंद्रस्तरीय अधिकारी भेटीबाबत मा.राजेश  लांडगे  तहसीलदार भोकर यांनी सविस्तर मार्गदर्शन केले.तसेच आगामी निवडणुकांच्या पार्श्वभूमीवर नवमतदार नोंदणी किती आवश्यक आहे याचे महत्व विषद केले.    नवमतदारांची नावनोंदणी करण्यात आली. याप्रसंगी महाविद्यालयाचे प्रभारी प्राचार्य डॉ.एस.पी.काळे, राष्ट्रीय सेवा योजना कार्यक्रमाधिकारी डॉ.प्रशांत टाके, व महाविद्यालयातील विद्यार्थी मोठ्या प्रमाणात उपस्थित होते.महाविद्यालयातील पात्र नवमतदारांचे मोबाईल ॲप द्वारे नाव नोंदणी करण्यात आली व नमुना नं 6 भरून घेण्यात आले.यावेळी श्री. निलेश पळसकर नायब तहसीलदार,जी.के शेळके अव्वल कारकून, डी...